Գլխավոր » 2011 » Հունիս » 21 »
Ռաբիսը կհասնի մի կետի, որից հետո կտրուկ կնվազի. Կոմպոզիտոր Արամ Սաթյան
16:46
Ռաբիսը կհասնի մի կետի, որից հետո կտրուկ կնվազի. Կոմպոզիտոր Արամ Սաթյան
Արվեստի տեղը այժմ գրավված է ռաբիսային երեւույթներով եւ այդ առումով վիճակը անհուսալի է: Այս մասին այսօր` հունիսի 21-ին` երաժշտության համաշխարհային օրվա կապակցությամբ հրավիրված ասուլիսի ժամանակ ասաց Վահան Արծրունին:
Ասուլիսի մյուս բանախոս` կոմպոզիտոր Արամ Սաթյանն էլ նշեց, որ ներկայումս ռաբիսի անկում է նկատվում: Նրա կանխատեսմամբ` ռաբիսը կհասնի մի կետի, որից հետո կտրուկ կնվազի: Կոմպոզիտորը կարծում է, որ մեր արվեստը շատ բարձր մակարդակի վրա է, բայց արտասահմանում հայտնվելու համար մեծ գումարներ են անհրաժեշտ:
Վահան Արծրունիի խոսքով, արվեստի, մասնավորապես, երաժշտության ոլորտում առկա խնդիրների լուծմանը պետք է ձեռնամուխ լինի մշակույթի նախարարությունը` վեկտոր պետք է ստեղծի, որը պետք է աշխատի արվեստագետի համար: «Հասել ենք նրանք, որ օպերայի հրապարակում սիմֆոնիկ նվագախումբ է կանգնած ու ռաբիս երաժշտություն է հնչում, իսկ հանրապետության առաջին դեմքերը նստած են եւ հրճվանքից ու հաճույքից բացի ուրիշ բան չկա դեմքներին»,- ասաց Վահան Արծրունին:
Երկու բանախոսներն էլ նշեցին, որ այսօր լրատվամիջոցներում, մասնավորապես` հեռուստատեսություններում չկա երաժշտական խմբագիր (բացի «Շողակաթից»), ով երաժշտության հետ փոքր-ինչ կապ կունենա, կհասկանա երաժշտությունից եւ պրոֆեսիոնալ մոտեցում կցուցաբերի:
