Հինգշաբթի, 28.03.2024, 21:18
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 14 » Ռոման Բալայանը սխալ է համարում Փարաջանովի մասին գեղարվեստական ֆիլմի նկարահանումը
14:24
Ռոման Բալայանը սխալ է համարում Փարաջանովի մասին գեղարվեստական ֆիլմի նկարահանումը
Ռոման Բալայան
Հայտնի հայ կինոռեժիսոր Ռոման Բալայանը սխալ է համարում գեղարվեստական ֆիլմ նկարահանել Սերգեյ Փարաջանովի մասին: Դրա պատճառով է, որ ռեժիսորը հրաժարվել է Սերժ Ավետիքյանի մասնակցությամբ ֆիլմի ռեժիսորը լինելու առաջարկից:

«Ես գտնում եմ, որ հիմա պետք չէ նկարահանել ֆիլմ Փարաջանովի մասին, որովհետև նրան ճանաչողները չեն ընդունի այն: Նա ուներ հետաքրքիր ժեստիկուլյացիա, որը դժվար է ներկայացնել: Նա ավելի վառ անհատականություն էր, քան նրա ֆիլմերը: Փարաջանովը տարերային երևույթ էր: Հանճարը երևի հետմահու երևույթ է (կատակում է): Նա անգամ չէր հավատում, որ կբանտարկվի և սիրում էր գոռալ «կոմունիստներ-ֆաշիստներ»արտահայտությունը»,- պատմել է Բալայանը լրագողների հետ հանդիպման ժամանակ «Ոսկե ծիրան» կինոփառատոնի շրջանակներում:

Ռոման Բալայանը ծնվել է 1941 թ-ին Լեռնային Ղարաբաղի Ներքին Հորաթաղ գյուղում: 1959-1961 թթ աշխատել է Ստեփանակերտի դրամատիկական թատրոնում որպես դերասան: 1961-1964 թթ. սովորել է Երևանի պետական թատերական ինստիտուտում, իսկ 1969 թ. ավարտել է Կիևի Ի. Կարպենկո-Կարիի անվան պետական թատերական ինստիտուտի ռեժիսուրայի ֆակուլտետը: Որպես ռեժիսոր իր դեբյուտը նշել է 1973 թ-ին «Ռոմաշկինի էֆեկտ» ֆիլմով: Առավել հայտնի ֆիլմերն են «Թռիչքներ երազում եւ արթմնի» (1982 թ.), «Համբույր» (1983 թ.), «Պահպանիր ինձ իմ թալիսման» (1986թ.), «Առաջին սեր» (1995թ.), «Երկու լուսին, երեք արև» (1998թ.), «Դրախտային թռչուններ» (2008թ.): 1987 թ. արժանացել է ԽՍՀՄ պետական մրցանակի, իսկ 1997 թ. Ուկրաինայի ժողովրդական արտիստի կոչման:


Աղբյուր`http://www.panarmenian.net/arm/news/74356/

Կատեգորիա: Կինո | Դիտումներ: 595 | Ավելացրեց: admin | Տեգեր: Ռոման Բալայան, Փարաջանով | Ռեյտինգ: 0.0/0
Ընդամենը մեկնաբանություններ: 1
0  
1 Arshak   (27.01.2012 17:19) [Նյութ]
Կտրականապես դեմ պետք է լինել նման պրոեկտին հենց միայն Սերժ Ավետիքյանի նման դավաճանի ներկայության համար: Նրա նկարահանած «Շների կղզին» և «Շան պատմություն» ֆիլմերը հակահայկական, թուրքական թաքնված պրոպագանդա են, մանրամասների համար կարող եք դիտել http://www.youtube.com/watch?v=Fv16dpURA6U «Դավաճան հայեր» քննարկումը

Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 9
Հյուրեր: 9
Օգտվողներ: 0