Գլխավոր » 2011 » Հուլիս » 21 »
Ռուսական առաջին ալիքը Երևանում տաղանդներ է փնտրում
13:19
Ռուսական առաջին ալիքը Երևանում տաղանդներ է փնտրում
Ռուսաստանի հեռուստատեսության առաջին ալիքը հուլիսի 30-ին Երևանում «Մինուտա սլավի» («Փառքի րոպե») հայտնի հեռուստածրագրի նոր՝ վեցերորդ եթերաշրջանի մասնակիցների դիտումներ կանցկացնի, հաղորդում է Ռուսաստանի հայերի միության մամուլի ծառայությունը:
«Հայաստանը միշտ հարուստ է եղել տաղանդներով, և մեր խնդիրն է ներկայացնել նրանց հանդիսատեսի լայն շրջանակին: Հուսով ենք, որ Առաջին ալիքը Հայաստանում բազմաթիվ վառ համարներ կգտնի, իսկ հեռուստադիտողներն անմոռանալի շոուի ականատեսը կդառնան», - նշվում է տեղեկատվության մեջ:
Դիտումների են հրավիրվում տարբեր տարիքի և գործունեության տաղանդավոր մարդիկ՝ ինչպես ստեղծագործական (կրկեսային, պարային, վոկալային և այլն) համույթներ, այնպես էլ անհատներ, որոնք պատրաստ են պայքարել հաղթանակի համար «Մինուտա սլավի» հեռուստատեսային շոուի բեմում:
Դիտումները տեղի կունենան «Մոսկվայի տուն» մշակութային-գործարար կենտրոնում: