Գլխավոր » 2011 » Հունիս » 17 »
Շվեդ անտառահատը հարստացել է Այվազովսկիի նկարից վաճառքից ստացած փողերով
15:31
Շվեդ անտառահատը հարստացել է Այվազովսկիի նկարից վաճառքից ստացած փողերով |
 Շվեդիայի Ուպսալա քաղաքում աճուրդում վաճառվել է հնոտիների միջից գտնված Հովհաննես Այվազովսկիի «Մարտ Բոմարզունդի համար» կտավը։ Նկարի նախկին տերը չէր էլ պատկերացնում՝ որքան արժե տարիներ շարունակ իր տան պատից կախված կտավը։
«Մարտ Բոմարզունդի համար»-ն Այվազովսկին նկարել է 1858 թվականին։
Նկարի իրական արժեքը պարզվել է միայն այն ժամանակ, երբ տարեց շվեդը որոշել է վաճառել անպետք իրերը եւ դրանք տարել «Մետրոպոլ» ոչ մեծ աճուրդի տուն։ Մի շարք իրերի շարքում եղել է նաեւ նրա հանգուցյալ կնոջ նվիրած կտավը։
Նկարը հանվել է վաճառքի՝ մեկնարկային գին սահմանելով 1500 դոլարը։ Սակայն կտավն այնպիսի իրարանցում է առաջացրել, որ «Մետրոպոլի» մասնագետները որոշել են խորհրդակցել ռուս նկարիչների գործերի մեջ մասնագիտացած Ուպսալայի աճուրդի տան հետ։ Փորձագետները հաստատել են կտավի՝ բնօրինակ լինելու փաստը եւ նրա հեղինակին։
Վերջնական արդյունքում նկարը վաճառվել է 1,2 մլն դոլարով։ Ինչպես նշել է Ուպսալայի աճուրդի տան ղեկավար Կնուտ Կնուտսոնը, «Մարտ Բոմարզունդի համար»-ը ձեռք է բերել մի ռուս կոլեկցիոներ։
Աղբյուր`http://news.am/arm/news/63573.html
|
|
Կատեգորիա: Կերպարվեստ |
Դիտումներ: 742 |
Ավելացրեց: admin
| Ռեյտինգ: 0.0/0 |
| Ընդամենը մեկնաբանություններ: 0 | |
|
|
|
|
Նյութեր ավելացնելու համար հարկավոր է գրանցվել: [ Գրանցվել | Մուտք ]
|
