Հինգշաբթի, 01.12.2022, 23:26
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 3 » Հայերին անհրաժեշտ է պոզիտիվ մտածելակերպ (տեսանյութ)
14:14
Հայերին անհրաժեշտ է պոզիտիվ մտածելակերպ (տեսանյութ)
 Նարեկ Մարգարյան
«Սիրանկյուն» հաղորդաշարի հյուրն է երգիծաբան, Armcomedy կայքի համահիմնադիր Նարեկ Մարգարյանը։

- Նարեկ, այլընտրանքային զանգվածային լրատվամիջոցների մասին հասարակությունը վերջին տարիներին կարծես լայն պատկերացում ունի: Իսկ ի՞նչ ասել է այլընտրանքային հումոր, ո՞րն է նպատակը:

- Չարժե սահմանափակում դնել, ասել՝այլընտրանքային հումոր, պարզապես մենք անում ենք այն հումորը, որը ուրիշներն անտեսում են. դա քաղաքական երգիծանքն է սոցիալական հարցերի մասին, իսկ այդ թեմաներով շատ քիչ կամ գրեթե չեն անդրադառնում մյուս հումորիստները:

- Ըստ Ձեզ՝ ի՞նչն է պատճառը, որ մյուսները քաղաքական հումորին չեն անդրադառնում. դարձյալ հեռուստաընկերություններո՞ւմ առկա սահմանափակումներն են պատճառը, քանի որ կարծես ամենահետաքրքիրը հենց քաղաքական հումորն է:

- Չէ՛, իրականում լայն թեմաներ ընդգրկող հումորը բոլոր երկրներում էլ հանդիսատես է հավաքում, քանի որ շատ քիչ մարդիկ են ապրում և հետաքրքրվում քաղաքականությամբ, բայց իհարկե եթերում կան որոշակի սահմանափակումներ: Բացի դրանից, չեմ կարծում՝մարդիկ կան, որոնք շատ մեծ ձգտում ունեն քաղաքական հումոր անելու: Իրականում հետևելով այս ամենին՝ դու տեսնում ես, որ ամեն մեկը գտել է իր նշաձողը և զբաղվում է իր թիրախային հանդիսատեսին ծիծաղեցնելով:

- Ձեզ մոտ ինչո՞ւ առաջացավ քաղաքական հումոր անելու ցանկություն:

- Թե՛ ես, թե՛ Սերգեյը քաղաքականության հետ կապված ոլորտներում էինք աշխատում, ես USAID-ի ծրագրերում ընտրությունների հետ կապված, Սերգեյը՝ հակակոռուպցիոն ծրագրերում: Բացի այդ, ես քաղաքականությամբ հետաքրքրվում եմ շատ ամոթալի տարիքից՝ 12-13 տարեկանից: Փաստորեն, սա մեր հետաքրքրությունների սահմանում էր, և կարծում ենք ինչ-որ բան ունեինք ոլորտում ասելու:

- Նարեկ, ասում են՝ հեռուստաընկերությունները մոնոպոլացրել են հումորի դաշտը: Կարո՞ղ ենք ասել՝ դրա համար եք դիմել այլընտրանքին:

- Փորձել ենք, հետաքրքիր բանակցություններ եղել են, բայց մենք կենտրոնացանք VebTV գաղափարի վրա: Բանն այն է, որ հիմնականում այն մարդիկ, ովքեր մեզ դիտում են, մեզ նման հեռուստացույց գրեթե չեն դիտում:

- Ըստ Ձեզ՝ սա ավելի շատ ժամանակի խնդի՞ր է, թե՞ մեր հեռուստաընկերությունների ոչ ճիշտ քաղաքականության արդյունք:

- Կարծում եմ՝ ժամանակի և որակի խնդիր է, քանի որ արտասահմանում արտադրվում են այնքան լավ հաղորդումներ, որոնք այնքա~ն անգամ են ավելի լավը, որը պետք է պարզապես 40 ժամ լիներ օրը, որ հասցնեինք դիտել:

- Նարեկ, պարզե՞լ եք, արդյոք, ով է Ձեր լսարանը:

- Մեր լսարանը 18-35 տարեկան մարդիկ են, ովքեր անտարբեր չեն, ունեն հումորի զգացում: Բացի այդ, կան նաև այնպիսիները, ովքեր ձանձրանում են ծանոթանալ օրվա լրահոսին ավանդական մեթոդներով, իսկ մենք 15 րոպեում իրենց մատուցում ենք օրվա լուրերի գլխավոր սերուցքը:

- Այս ընթացքում հանդիպե՞լ եք հումորի զգացում չունեցող քաղաքական, հասարակական գործիչների, ովքեր վիրավորվել են Ձեր հումորից:

- Չենք վիրավորվում, որովհետև մենք էլ երբեք նպատակ չենք դնում վիրավորել: Մեր արժեքներն ավելի բարձր են, քան վիրավորելը, պարզապես նախընտրում ենք նորությունների մատուցման այդ ձևը: Սա առաջին դեպքը չէ, աշխարհում գտնվել է նորությունները զվարճանքով մատուցելու այդ ձևը:

- Դուք անդրադարձաք նաև վերջին շրջանում ծավալված երկխոսության թեմային: Ի՞նչ կարծիք ունեք այդ մասին հումորից դուրս:

- Երկխոսության թեմային վաղուց ենք անդրադառնում, հետո, երբ սկսվեց բուն երկխոսությունը, պարզվեց, որ երկու ժամ նստել են և ոչինչ չեն խոսել, օրակարգ՝ որպես այդպիսին, չկար, բոլորը սպասումներ ունեին, որոնք չարդարացան: Իսկ առհասարակ երկխոսությունը ողջունելի է, պետք չէ մի երկրում իրարից իզոլացված ապրեն: Շատ լավ է, որ մի քիչ ուշացած (քսան տարի հետո) մեզ մոտ խոսելու մաշկույթը ձևավորվում է: Դա շատ լավ է, գուցե նաև լսելու մշակույթ ձևավորվի (ծիծաղում է):

Իսկ մենք այսքան տարի երկարացնում ենք ՀՀ ազգաբնակչության կյանքը, հասել ենք նրան, որ միջին վիճակագրական հայը 120-130 տարի պետք է ապրի:

- Բայց Ձեր լսարանը 1500-2000 հոգի է:

- 70 տարի հետո բոլորը կհասկանան, որ հումորն ընդհանուր պոզիտիվ մտածելակերպի է հանգեցնում, ինչը հայերիս շատ է պետք:


Աղբյուր`http://1in.am/arm/armenia_interview_29166.html





Կատեգորիա: Այլ | Դիտումներ: 712 | Ավելացրեց: admin | Տեգեր: Նարեկ Մարգարյան | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0