Գլխավոր » 2011 » Հունիս » 22 »
«SOAD-Ը նվագում էր անհավես ու կեղտոտ». Gazeta.ru-ն հայ ռոքերների համերգի մասին (տեսանյութ)
15:48
«SOAD-Ը նվագում էր անհավես ու կեղտոտ». Gazeta.ru-ն հայ ռոքերների համերգի մասին (տեսանյութ)
Ռուսական ինտերնետային լրատվամիջոցը անդրադարձել է Մոսկվայում երեկ կայացած ամերիկյան System of a Down խմբի համերգին։
Հոդվածի սկզբում նշվում է, որ համերգին գերանշլագ է եղել, ինչը հատկապես լավ տեսանելի է եղել Օլիմպիյսկի համերգասրահի վերին տրիբունաներում նստած հանդիսատեսի համար։ Մարդկանց թիվն այնքան մեծ է եղել, որ անհնար է եղել հատուկ տեղ հատկացնել առավել նվիրված և ագրեսիվ ֆանատներին։
Պարբերականը անդրադարձել է խմբի առաջնորդ Սերժ Թանկյանի համերգային կերպարին, որը «Մեծ արտիստ է ձայնային լուրջ դիապազոնով»։ Սակայն խմբի սև հագուստով մյուս անդամները շատ ավելի բնական են դիտվել ռոք երաժիշտների ու համերգի համար, քան Թանկյանը, որը բեմում եղել է լրիվ սպիտակ դասական հագուստով։
Այնուհետև, Gazeta.ru–ն քննադատում է համերգն ու խմբին՝ նշելով, որ SOAD–ը իր երաժշտությամբ և համերգային գործունեությամբ «պարտվում է» ժամանակակից մետալ այլ խմբերին։ «Հայկական հարսանիքի մթնոլորտով, ոչ ոքի չես զարմացնի», ասված է հոդվածում։
Բուն համերգից լրագրողի ունեցած տպավորությամբ երաժիշները շատ վատ են նվագել ու երգել։ «SOAD-ը կեղտոտ ու անհավես էր նվագում, կարծես մտածում էին , որ բավական է երգերի առաջին ակորդները նվագել, իսկ երգի մնացած հատվածները ինքնուրույն կհնչեն ֆանատների ուղեղներում։ Թանկյանը կուլ էր տալիս երգերի վերջավորությունները, իսկ երաժիշտները պարբերաբար շփոթում էին ռիթմը», – գրված է հոդվածում։