Գլխավոր » » Վանում հոգեւոր տուրիզմի զարգացման համար կվերանորոգվի հայկական Սուրբ Բարդուղիմեոս եկեղեցին (ֆոտո)

12:24 Վանում հոգեւոր տուրիզմի զարգացման համար կվերանորոգվի հայկական Սուրբ Բարդուղիմեոս եկեղեցին (ֆոտո)
Վանի նահանագապետ Մունիր Քարաօղլուն հայտարարել է, թե Վանի Բաշքալե շրջանում գտնվող եւ 1915-ից հետո լքված հայկական Սուրբ Բարդուղիմեոս եկեղեցին կվերանորոգվի եւ կբացվի հոգեւոր զբոսաշրջության համար։ Թուրքական Turizmhaberleri կայքի փոխանցմամբ՝ Վանի նահանգապետը այցելել է Բաշքալեի շրջանում գտնվող Սուրբ Բարդուղիմեոսի եկեղեցի եւ տեղում ուսումնասիրել այն։ Վանի նահանգապետը ուշադրություն է դարձրել այն հանգամանքի վրա, որ եկեղեցու պատերի զարդաքանդակները չեն կորցրել իրենց յուրահատկությունը։ Մունիր Քարաօղլուն համապատասխան մարմիններին հրահանգել է զբաղվել եկեղեցու վերանորոգման աշխատանքներով։ Եկեղեցու վերանորոգման աշխատանքների կազմակերպման համար զեկույց է կազմվել, որից հետո սկսվել են վերանորոգման նախնական աշխատանքները։ Նշենք, որ այս տեղեկությունը հրապարակած բոլոր թուրքական լրատվամիջոցները չեն հիշատակել, որ Սուրբ Բարդուղիմեոս եկեղեցին հայկական է։ Աղբյուր`http://news.am/arm/news/67814.html
1 2 3 4 5 Կատեգորիա: Եկեղեցի \| Դիտումներ: 841 \| Ավելացրեց: admin \| Տեգեր: եկեղեցի, Սուրբ Բարդուղիմեոս եկեղեցին \| Ռեյտինգ: 0.0/0