Շաբաթ, 03.12.2022, 00:28
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 15 » Վավերագրական ֆիլմեր` կոտրված ճակատագրերի մասին
19:04
Վավերագրական ֆիլմեր` կոտրված ճակատագրերի մասին
Ոսկե ծիրան
«Ոսկե ծիրան» ութերորդ միջազգային երեւանյան կինոփառատոնի վավերագրական ֆիլմերի շրջանակներում կներկայացվի Ահմադ Սեյեդքեշմիրի «Հոյակապ ոչինչ», Մարտին Յաբսի «Նորան դեռ ողջ է», Նաչո Մարտինի «Էլ Նինյո Միգել» եւ Նատալյա Ալմադայի «Գեներալը» ֆիլմերը: Ինչպես այսօր լրագրողների հետ հանդիպման ժամանակ կինոփառատոնի ծրագրերի տնօրեն վահագն Ստամբոլցյանը, այս տարվա վավերագրական ֆիլմերի մրցույթը շատ հետաքրքիր է եւ բազմազան: «Ուշագրավ է, որ այս ֆիլմերից երկուսն արվեստագետների մասին են' կիթառահարի եւ նկարչի»,- ասաց նա' հավելելով, որ Մ. Յաբսի «Նորան դեռ ողջ է» ֆիլմը շատ հուզիչ է եւ գեղարվեստորեն բարդ' իրավիճակն արտացոլելու տեսանկյունից: Ինչպես նշեց Նատալյա Ալմադան, իր համար մեծ հաճույք է Հայաստանում գտնվելը: «Գեներալը» մի ֆիլմ է, որը նկարահանվել է իր տատի տված տեղեկատվության հիման վրա: «Տատիկս ֆիլմում հիշում է իր հեղափոխական հորը, որը դարձել է Մեքսիկայի նախագահ եւ երկրի պատմության դեմքերից մեկը»,- ասաց նա' հավելելով, որ Մեքսիկայում մեծ նշանակություն է տրվում երկրի պատմությանը:

Իսպանացի ռեժիսոր Նաչո Մարտինին շնորհակալություն հայտնեց, որ իրեն հրավիրել են մասնակցելու կինոփառատոնին: Նրա խոսքով' իր ֆիլմը պատմում է կիթառահար Էլ Նինյո Միգելի մասին, որը փորձում է ստիպել, որ իր հին ու շարքից դուրս եկած կիթառը երգի: «Մուրճի պես ուժեղ բութ մատով էլ նա դեռ ի զորու է հուզել' սրտի զգացած ակորդները' կյանքի ակորդները, նվագելով»,- ասաց նա' հավելելով, որ իր ֆիլմում ինքը ցանականում էր ներկայացնել, թե ինչ է նշանակում գնչուների համար ապրել ոչ քոչվոր պայմաններում. պայմաններ, որոնց նրանք սովոր չեն: Պարսիկ ռեժիսոր Ահմադ Սեյեդքմիրի խոսքով' ստեղծված է շատ ջերմ մթնոլորտ հյուրերի նկատմամբ, որից ինքը շատ է շոյվում: «Ես ֆիլմը նկարահանել եմ մարդկային իրական բնավորությունների հիման վրա: Այն մի մարդու մասին է, որն ապրում է իրեն օտար միջավայրում, սակայն ցանկանում է իր հնարավորություններն ի ցույց դնել: Սա ֆիլմ է Իրանում արգելված թեմաների մասին' թատրոն, կինո, արվեստ եւ այլն»,- ասաց նա' հավելելով, որ ֆիլմը լեցուն է երազանքներով եւ լավատեսությամբ:

Գերմանացի ռեժիսոր Մարտին Յաբսը նշեց, որ իր ֆիլմը պատմում է մի ընտանիքի մասին, որի դուստրն ունի ֆիզիկական արատներ: «Չնայած դրան, նա վառ անհատականություն է: Բժիշկներն անընդհատ ասում էին, որ նա շուտով մահանալու է, սակայն Նորան արդեն իմ տարիքին է' երեսուներկու տարեկան, որը շարունակում է ապրել իր կյանքի մեջ ներփակված»,- ասաց ռեժիսորը: Յաբսը պատմեց, որ երբ նկարահանող ֆիլմն այցելել է հերոսին, պարզվել է, որ Նորայի մայրն արդեն մահացել է, սակայն աղջիկը չի կարողանում գիտակցել այդ: «Ֆիլմն առաջին հերթին մարդու սիրտն է շարժում, նոր միայն միտքը»,- ասաց նա:


Աղբյուր`http://armenpress.am/arm/news/658476/

Կատեգորիա: Կինո | Դիտումներ: 615 | Ավելացրեց: admin | Տեգեր: Ոսկե ծիրան | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0