Ուրբաթ, 29.03.2024, 17:52
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 16 » «Վերադարձ Գյուրուն». Հայերի և թուրքերի մասին ֆիլմի նախագիծը հաղթել է մրցույթում
20:38
«Վերադարձ Գյուրուն». Հայերի և թուրքերի մասին ֆիլմի նախագիծը հաղթել է մրցույթում
Վերադարձ Գյուրուն
Ռեժիսոր Ադրինե Գրիգորյանի ու պրոդյուսեր Վահե Օհանյանի «Վերադարձ Գյուրուն» նախագիծը «Հայ-թուրքական կինոպլատֆորմ 2011»-ի հաղթող է ճանաչվել:

Ստամբուլի «Անադոլու կուլտուր» հասարակական կազմակերպության և «Ոսկե ծիրան» միջազգային կինոփառատոնի միջև ստեղծված համագործակցությունը` Հայ-Թուրքական կինոպլատֆորմը (ՀԹԿՓ), փաստագրական ֆիլմերի նախագծերի դիմումներ է ընդունում յուրաքանչյուր տարի: Այս տարի ՀԹԿՓ-ն 9 մասնակից էր ընտրել, որոնք մասնակցեցին հուլիսի 11-13-ը կայացած եռօրյա աշխատանքային հանդիպումներին`Ոսկե Ծիրան կինոփառատոնի շրջանակներում:

Աշխատանքային հանդիպումների արդյունքում մասնակիցներն իրենց գաղափարները ներկայացրեցին ժյուրիի անդամներին: 9 մասնակիցներից հաղթող ճանաչվեց Ադրինե Գրիգորյանի նախագիծը:

Ինչպես Epress.am-ի հետ զրույցում պատմել է ինքը` Գրիգորյանը, ՀԹԿՓ-ն Թուրքիայի և Հայաստանի ֆիլմարտադրության ներկայացուցիչների միջև կամուրջ ստեղծելու միտում ունի` «ոչ միայն մյուսների կողմից չլսված պատմություններ պատմելով, այլ կենսափորձի և ընդհանուր պատմությունների շնորհիվ միմյանց մասին տեղեկանալով»:

Հարցին` որտեղից ծնվեց «Վերադարձ Գյուրուն»-ի գաղափարը, Գրիգորյանը պատմել է Ֆիլմի գաղափարի հեղինակ և սցենարիստ Ինանչ Օզեկմեկչիի հետ ունեցած իր պատահական հանդիպման մասին: «Սա պատմություն է թշնամիներ համարվող երկու մարդկանց մասին, որոնք բացահայտում են միմյանց` Անատոլիայում գտնվող իրենց նախնիների քաղաք Գյուրունը բացահայտելով»: Գաղափարը ծնվել է Ստամբուլում` Ինանչի հետ հանդիպումից հետո: Նրանց ոգևորել է այն փաստը, որ երկուսի նախնիներն էլ միևնույն Գյուրուն քաղաքից են եղել, թեև ոչ Ադրինեն, ոչ Ինանչը երբեք այնտեղ չեն եղել: Զույգը որոշել է ճանապարհորդություն կատարել դեպի Գյուրուն`«վերագգտնելու այն անցյալը, որի մասը թեև չեն եղել, բայց որին այնքան ամուր են կապված»:

Գրիգորյանը ուրախ է, որ այժմ ֆիլմի մտահղացումը կյանքի կկոչվի ՀԹԿՓ-ի շնորհիվ. «Այս ծրագիրը հիանալի հնարավորություն է ոչ միայն ֆիլմի նկարահանումն իրականացնելու, այլ նաև փորձառու մասնագետների, բարձր որակավորում ունեցող միջազգային ռեժիսորների խորհրդատվությունը, աջակցությունը ստանալու համար, որոնք ողջ գործընթացի ընթացքում քեզ սատարում են»:

Մեր այն հարցին, թե որն է լինելու հաջորդ քայլը, ռեժիսորը պատասխանել է, որ արդեն աշնանը մեկնարկելու են ֆիլմի նկարահանման աշխատանքները, իսկ վերջնական տարբերակը պատրաստ կլինի գարնանը: ՀԹՓԿ-ն մտադիր է պատրաստել ֆիլմը մինչ հաջորդ տարվա Ստամբուլի միջազգային կինոփառատոնն ու Ոսկե Ծիրան միջազգային կինոփառատոնի մեկնարկը: Գրիգորյանը հույս ունի ավելի մեծ ֆինանսավորում ստանալ ֆիլմի նկարահանման համար:

Նրա խոսքով` ֆիլմի առաջնային նպատակը Գյուրունում կողք կողքի խաղաղ ապրող հայերի և թուրքերի չլսված ձայները լսելի դարձնելն է:

«Սա պատմություն է հայ և թուրք ընտանիքների մասին, որոնց վրա ազդեցություն է թողել Ցեղասպանությունը: Յուրաքանչյուր մարդկային պատմություն  ողջ աշխարհի մարդկանց սովորացնելու հատկություն ունի»,- նշել է ռեժիսորը:


Աղբյուր`http://www.epress.am/2011/07/15/%C2%AB%D5%BE%D5%A5%D6%80%D5%A1%D5%A4%D5%A1%D6%80%D5%B1-%D5%A3%D5%B5%D5%B8%D6%82%D6%80%D5%B8%D6%82%D5%B6%C2%BB-%D5%B0%D5%A1%D5%B5%D5%A5%D6%80%D5%AB-%D6%87-%D5%A9%D5%B8%D6%82%D6%80%D6%84%D5%A5%D6%80.html

Կատեգորիա: Կինո | Դիտումներ: 633 | Ավելացրեց: admin | Տեգեր: Ոսկե ծիրան» 8-րդ միջազգային կինոփառ | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0