Գլխավոր » 2011 » Օգոստոս » 14 »
Վիբորգում մեկնարկել է ռուսական կինոյի «Պատուհան դեպի Եվրոպա» 19-րդ փառատոնը (տեսանյութ)
14:47
Վիբորգում մեկնարկել է ռուսական կինոյի «Պատուհան դեպի Եվրոպա» 19-րդ փառատոնը (տեսանյութ)
Վիբորգ քաղաքում մեկնարկել է ռուսական կինոյի «Պատուհան դեպի Եվրոպա» 19-րդ կինոփառատոնը, որտեղ մրցույթները կանցկացվեն երեք' խաղարկային կինոյի, ոչ խաղարկային եւ անիմացիոն կինոնկարների ուղղություններով: Կինոփառատոնի օրերին հեղինակավոր ժյուրիի, կինոքննադատների եւ հանդիսատեսի դատին կներկայացվեն 14 խաղարկային, 16 ոչ խաղարկայի եւ 18 անիմացիոն կինոնկարներ:
Ինչպես Սանկտ Պետերբուրգից հաղորդում Է «Արմենպրես»-ի թղթակիցը, կինոփառատոնի հանդիսավոր բացումից հետո ցուցադրվել է ռեժիսոր Կարեն Հովհաննիսյանի «Հինգ հարսնացու» գեղարվեստական կինոնկարը:
Կինոփառատոնի դափնեկրի հավակնորդների թվում է նաեւ ռեժիսոր Վլադիմիր Միրզոեւի «Բորիս Գոդունով» լիամետրաժ կինոնկարը: Բավական հարուստ է նաեւ անիմացիոն կինոնկարների թեմատիկան: Այստեղ ռեժիսոր' մեր հարենակցուհի Նատալյա Մրզոյանը, ներկայացրել է իր «Նանո-Նյամ» անիմացիոն ֆիլմը:
Կինոփառատոնի «Գալա պրեմիերա» ծրագրով կցուցադրվի ռեժիսոր Սուրիկ Անդրիասյանի «Հղին» կինոնկարը: Կինոփառատոնի շրջանակներում կնշվի ճանաչված ռեժիսոր Ռոման Բալայանի ծննդյան 70- ամյակը, իսկ քաղաքի լավագույն սրահներից մեկում տեղի կունենա երաժշտական պոեզիայի երեկո' նվիրված սիրված երգահան Միքայել Թարիվերդիեւի ծննդյան 80- ամյակին: Կինոփառատոնի նախագահը ճանաչված կինոգործիչ Արմեն Մեդվեդեւն է, գլխավոր պրոդյուսերը' Գեւորգ Ներսիսյանը: Կինոփառատոնի փակումը տեղի կունենա օգոստոսի 14-ին:
