Գլխավոր » » Աբովյան-Մոսկովյան փողոցներին հարող տարածքում կտեղադրվի Ֆ.Նանսենի հուշարձանը

13:35 Աբովյան-Մոսկովյան փողոցներին հարող տարածքում կտեղադրվի Ֆ.Նանսենի հուշարձանը
Ֆրիտյոֆ Նանսենի 150-ամյակի կապակցությամբ ստեղծված հանձնաժողովը հոբելյանական միջոցառումների շրջանակներում հայտարարել է Ֆրիտյոֆ Նանսենի հուշարձանի նախագծի բաց մրցույթ' Երեւան քաղաքի Աբովյան-Մոսկովյան փողոցներին հարող տարածքում: Ինչպես «Արմենպրես»-ին տեղեկացրեցին Երեւանի քաղաքապետարանի տեղեկատվության եւ հասարակայնության հետ կապերի վարչությունից, մրցույթին մասնակցության հայտ կարող են ներկայացնել ճարտարապետներ, նկարիչներ, քանդակագործներ եւ մասնագիտական իրավաբանական անձինք: Ներկայացված հայտերի մրցույթը եւ ամփոփումը կիրականացվի Երեւանի քաղաքապետարանի գեղարվեստական խորհրդի կողմից: Հաղթող ճանաչված հայտ-նախագծի հիման վրա կիրականացվեն հուշարձանի ստեղծման եւ տեղադրման աշխատանքները: Նշենք, որ բացի հաղթող ճանաչված հայտից, մրցույթով սահմանվում է նաեւ 5 խրախուսական մրցանակ' յուրաքանչյուրը 350 000-ական ՀՀ դրամի չափով: Աղբյուր`http://armenpress.am/arm/news/658415/
1 2 3 4 5 Կատեգորիա: Հուշարձաններ \| Դիտումներ: 701 \| Ավելացրեց: admin \| Տեգեր: Ֆրիտյոֆ Նանսեն, հուշարձան \| Ռեյտինգ: 0.0/0