Գլխավոր » » Արցախում մտադիր են առանձնահատուկ ուշադրություն դարձնել արվեստի զարգացմանը

10:19 Արցախում մտադիր են առանձնահատուկ ուշադրություն դարձնել արվեստի զարգացմանը
Հուլիսի 6-ին Արցախի Հանրապետության նախագահ Բակո Սահակյանն ընդունել է ԱՄՆ-ից ժամանած մի խումբ բարերարների` Անդրեաս Ռուբյանի գլխավորությամբ: Հանդիպմանը քննարկվել են Արցախում տարբեր ծրագրերի իրականացման հետ կապված հարցեր: Հատուկ ուշադրություն է դարձվել արվեստի ոլորտին, մասնավորապես` հանրապետությունում գեղանկարչության զարգացմանը: Երկրի ղեկավարն ընդգծել է, որ այդ գործում բարերարների աջակցությունը պահանջված է և հանդիսանում է ինչպես մատաղ սերնդի բազմակողմանի զարգացման, այնպես էլ քաղաքակիրթ աշխարհին Արցախի ինտեգրման կարևոր գործոններից մեկը: Հանդիպմանը ներկա էին մշակույթի և երիտասարդության հարցերի նախարար Նարինե Աղաբալյանը, ՀՀ ԱԺ պատգամավոր Կարինե Աճեմյանը, պաշտոնատար այլ անձինք, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը: Աղբյուր`http://www.panarmenian.net/arm/news/73978/
1 2 3 4 5 Կատեգորիա: Իրադարձություններ \| Դիտումներ: 615 \| Ավելացրեց: admin \| Ռեյտինգ: 0.0/0