Գլխավոր » » Չայկովսկու անվան մրցույթի Գրան պրին շնորհվել է հայ երաժշտի սանին

13:42 Չայկովսկու անվան մրցույթի Գրան պրին շնորհվել է հայ երաժշտի սանին
Չայկովսկու անվան XIV միջազգային մրցույթի Գրան պրին շնորհվել է ռուսաստանցի դաշնակահար Դանիիլ Տրիֆոնովին: Այս մասին հայտնում է ИТАР-ТАСС-ը: Դափնեկրի անունը հայտարարվել է հուլիսի 2-ին Սանկտ Պետերբուրգի Մարիինյան թատրոնի Համերգային սրահում, որտեղ անցկացվել է եզրափակիչ գալա համերգը: Հատկանշական է, որ Դանիիլ Տրիֆոնովը Քլիվլենդի երաժշտական ակադեմիայում դասավանդող հայազգի հայտնի երաժիշտ Սերգեյ Բաբայանի աշակերտն է: Ավելի վաղ 20-ամյա Տրիֆոնովն արժանացել էր նաև դաշնամուրի մևցույթի առաջին մրցանակի: 2011թ. նա հաղթել էր Թել Ավիվում Արթուր Ռուբենշտեյնի անվան երիտասարդ դաշնակահարների մրցույթում, իսկ 2010-ին Վարշավայում Շոպենի մրցույթում նա գրավել էր 3-րդ տեղը: Դաշնակահարն այժմ սովորում է Քլիվլենդի երաժշտական ակադեմիայում: Հիշեցնենք, որ Չայկովսկու անվան միջազգային երաժշտական մրցույթում «Թավջութակ» անվանակարգում հաղթել է Հայաստանը ներկայացնող անվանի երաժիշտ Նարեկ Հախնազարյանը: Նա որպես մրցանակ կստանա 20 հազար եվրո: Աղբյուր`http://www.tert.am/am/news/2011/07/04/trifonov/
1 2 3 4 5 Կատեգորիա: Ծլնգոցից մինչև զրնգոց \| Դիտումներ: 675 \| Ավելացրեց: admin \| Ռեյտինգ: 0.0/0