Գլխավոր » » Համերգ` նվիրված Հայաստանի եւ Լիտվայի միջեւ դիվանագիտական հարաբերությունների հաստատման 20-ամյակին

21:08 Համերգ` նվիրված Հայաստանի եւ Լիտվայի միջեւ դիվանագիտական հարաբերությունների հաստատման 20-ամյակին
Հայաստանի եւ Լիտվայի միջեւ դիվանագիտական հարաբերությունների ստեղծման 20-ամյա հոբելյանի կապակցությամբ Երեւանի Արամ Խաչատրյանի անվան համերգասրահում հուլիսի 12-ին կանցկացվի համերգ: Այն միաժամանակ նվիրվում է լիտվացի նկարիչ եւ կոմպոզիտոր Մ. Կ. Չուրլյոնիսի մահվան 100-ամյա տարելիցին: Ինչպես «Արմենպրես»-ի հետ զրույցում նշեց Հայաստանի պետական ֆիլհարմոնիկ նվագախմբի տնօրեն Ռուզան Սիրունյանը, համերգի ընթացքում ելույթ կունենան լիտվացի կիթառահար Յոնաս Յուբլիցկասը, կլարնետահար Ժիլվինաս Բրազաուսկասը, ռուս շեփորահար Իգոր Կրամարեւը եւ դաշնակահար Աբիգայիլ Սինը: Ռ. Սիրունյանի խոսքով' համերգային ծրագրի ընթացքում կհնչեն Չուրլյոնիսի «Անտառում» խորագրով սիմֆոնիկ պոեմը, Քոփլանդի կոնցերտը' կլարնետի եւ նվագախմբի համար, Շոստակովիչի կոնցերտը' դաշնամուրի համար: «Նմանատիպ իրադարձությունները կօգնեն ամրապնդել առկա հարաբերությունները եւ ապահովել դրանց հետագա զարգացումը»,- ասաց նա: Համերգը կղեկավարեն դիրիժորներ Էդուարդ Թոփչյանը եւ Էռնեստ Հյույլը: Աղբյուր`http://armenpress.am/arm/news/657921/
1 2 3 4 5 Կատեգորիա: Սպասեք շուտով... \| Դիտումներ: 691 \| Ավելացրեց: admin \| Ռեյտինգ: 0.0/0