 Հայաստանի պատվիրակությունը Պրահայի Քվադրինալեից հետո առաջարկություն է ստացել կազմակերպել նմանատիպ միջոցառում կովկասյան տարածաշրջանում: Հայկական պատվիրակության ղկավար, բեմանկարիչ Նելլի Բարսեղյանը նշեց, որ շատ հագեցած ծրագիր էր Պրահայում: Յուրաքանչյուր տաղավար հանդես էր գալիս իր խորհրդանիշներով: Հայկական տաղավարը ներկայացավ փաթաթված գորգով, և հանդես եկավ «Մաքրելով հիշողության փոշին» թեմայով: Հայաստանի պատվիրակության մեջ էր նաև Երևանի մնջախաղի պետական թատրոնի բեմանկարիչ Լիլիթ Ստեփանյանը: Բարսեղյանը առաջարկ ստացավ տարածաշրջանում կազմակերպել թատերական նման միջոցառում, որը սաղմնային փոլում է: Նա նաև ավելացրեց, որ Չեխիայի հայ համայնքը շատ ակտիվ էր և մեծ շարժ է գրանցվել նրանց կողմից դեպի հայկական տաղավար: Հայ պատվիրակության ղեկավարի խոսքով տաղավար այցելեցին նաև Չեխիայում Հայաստանի դսպանատան ներկայացուցիչները:
Նելլի Բարսեղյանն ընդգծել է, որ Քվադրինալեին մասնակցելու նպատակն է թատերական արվեստի միջոցով օտարներին հաղորդակից դարձնել հայկական արվեստի մյուս ժանրերին, ծանոթացնել «Քվադրինալե»-ի տասնյակ հազարավոր մասնակիցներին հայ թատրոնի պատմության հետ, փորձի փոխանակման միջոցով խթանել Ժամանակակից հայ թատրոնի զարգացումը, Հայաստանի հանդեպ հետաքրքրություն առաջացնելու միջոցով նպաստել Հայաստանում ներգնա տուրիզմի զարգացմանը:
«Պրահայի Քվադրինալե 2011» (PQ2011) միջազգային թատերական փառատոնը Պրահայում կայացավ 12-րդ անգամ: Հերթական «Քվադրինալեին», մասնակցեցին ավելի քան 62 երկիր, որոնց թվում նաև Հայաստանը և այնպիսի խոշոր երկրներ, ինչպիսիք են ԱՄՆ-ն, Գերմանիան, Ճապոնիան:
«Պրահայի Քվադրինալեն» աշխարհի խոշորագույն և ամենաճանաչված միջազգային թատերական փառատոնն է բեմական ձևավորման ոլորտում (բեմանկարչություն, զգեստների, լուսային և երաժշտական ձևավորում)` բաղկացած երեք մասնաբաժիններից, որոնց ընթացքում տեղի են ունենում բազմաժանր ցուցադրություններ, սիմպոզիումներ, քննարկումներ, վարպետության դասեր և այլն:
Փառատոնը անցկացվեց հունիսի 16-ից-26-ը:
Աղբյուր`http://www.panarmenian.net/arm/news/74032/
|
