Գլխավոր » » Հայտնի է դարձել Անիի 1050-ամյակին նվիրված միջոցառումների ծրագիրը

12:56 Հայտնի է դարձել Անիի 1050-ամյակին նվիրված միջոցառումների ծրագիրը
Այսօր ՀՀ կառավարությունում հաստատվել է Անին Բագրատունյաց թագավորության մայրաքաղաք հռչակման 1050-ամյակին նվիրված հոբելյանական միջոցառումների ծրագիրը, նախապատրաստման հանձնաժողովի կազմը, ու դրանց ֆինանսավորման հետ կապված հարցեր: Ըստ ծրագրի` նախատեսվում է Երևանում կազմակերպել միջազգային գիտաժողով, ցուցահանդեսներ Հայաստանում և Սփյուռքում, հրատարակել Անիի լուսանկարների ալբոմ: Հոբելյանական միջոցառումների նախապատրաստման հանձնաժողովի նիստի ընթացքում առաջարկվել է ստեղծել նաև Անի մայրաքաղաքի եռաչափ ցուցադրության կայք, նկարահանել միջնադարյան Հայաստանի մայրաքաղաքի մասին պատմող ֆիլմ: Նիստի ավարտին հայտարարվել է, որ հանձնաժողովը ղեկավարելու է ՀՀ ԳԱԱ նախագահ, ակադեմիկոս Ռադիկ Մարտիրոսյանը: Որոշումը կայացվել է Անիի 1050-ամյակին նվիրված հոբելյանական միջոցառումների նախապատրաստմանը վերաբերող խորհրդակցության ժամանակ, որը վարել է վարչապետ Տիգրան Սարգսյանը: Աղբյուր`http://www.panarmenian.net/arm/news/73905/
1 2 3 4 5 Կատեգորիա: Միջոցառումներ \| Դիտումներ: 729 \| Ավելացրեց: admin \| Ռեյտինգ: 0.0/0