Գլխավոր » 2011»Հուլիս»24 »
«Կալենց» թանգարանում մեկնարկելու է «Նման մի բան. Պոլիվինիլ ացետատ» նախագիծը
15:26
«Կալենց» թանգարանում մեկնարկելու է «Նման մի բան. Պոլիվինիլ ացետատ» նախագիծը
Հուլիսի 27-ին մեկնարկելու է «Նման մի բան. Պոլիվինիլ ացետատ» կամ "Like That. Polyvinyl acetate" նախագիծը, որը ներկայացնելու է «Ուտոպիանա» մշակութային-ստեղծագործական ՀԿ-ն: Այն մեկնարկելու է «Կալենց» թանգարանում:
Համադրողներն են Վահագն Ղուկասյան (Գյումրի, ԳԺԱԿ) և Արման Գրիգորյան (Երևան, ԱԻԿԱ):
Նախագիծը յուրօրինակ մի փորձ է թանգարանային խոսակցություն սկսել Հայաստանի ժամանակակից արվեստի առանձնահատուկ խնդիրների շուրջ: Նախագիծը նպատակ ունի արվեստի քննադատական դիսկուրսին մասնակից դարձնել իրենց ստեղծագործական ուղին նոր սկսող երիատասարդ արվեստագետներին և արվեստի քննադատներին: Նախագծի շրջանակում կկազմակերպվի Գյումրու և Երևանի երիտասարդ արվեստագետների տարբեր մեդիաներով կատարված աշխատանքների ցուցադրություն, կերպարվեստում նոր նյութերի օգտագործմամբ հետաքրքրվող արվեստագետների աշխատանքների պրեզենտացիաներ ու քննարկումներ:
Նախագծի շրջանակներում տեղի է ունենալու բանախոսությունների շարք և քննարկումներ:
