Գլխավոր » » Լեհ կինոռեժիսորին հանձնվեց «Ոսկե ծիրան» փառատոնի «Վարպետ» մրցանակը

18:42 Լեհ կինոռեժիսորին հանձնվեց «Ոսկե ծիրան» փառատոնի «Վարպետ» մրցանակը
Հայաստանի ազգային կինոակադեմիայի նախագահ Դավիթ Մուրադյանը հուլիսի 13-ին լեհ ռեժիսոր եւ սցենարիստ Վոյչեխ Մարչեւսկուն հանձնվեց «Ոսկե ծիրան» 8-րդ երեւանյան միջազգային կինոփառատոնի «Վարպետ» մրցանակը: Մրցանակի հանձնման արարողությունից հետո «Մոսկվա» կինոթատրոնում կայացավ Վ.Մարչեւսկու «Փախուստ «Ազատություն» կինոթատրոնից» ֆիլմի հետահայաց ցուցադրությունը: Մինչ ֆիլմի ցուցադրությունը ռեժիսորը շնորհակալություն հայտնեց փառատոնի կազմակերպիչներին՝ իր երեք ֆիլմերը Երեւանում ցուցադրելու եւ նման մրցանակ ստանալու համար, ինչպես նաեւ համառոտակի ներկայացրեց ֆիլմի ստեղծման պատմությունը: «Ֆիլմը նկարել եմ երկու դարաշրջանների ջրաբաժանին: Սցենարը գրել եւ նկարահանումները սկսել էի կոմունիստական համակարգի ժամանակ: Նկարահանումների վերջին օրը Լեհաստանի խորհրդարանը քվեարկեց գրաքննության դեմ: Իսկ ֆիլմը հենց գրաքննիչի մասին է: Փաստորեն ես ֆիլմ նկարահանեցի մի մարդու մասին, ով իմ մասնագիտական կյանքում ամենամեծ ոսոխն էր: Նախքան այդ, իմ ուրիշ հինգ սցենարներ խոշոր խնդիրներ էին ունեցել գրաքննիչների հետ: Բայց ես փորձեցի ստեղծել մի մարդու կերպար, ով ոչ միայն գրաքննիչ է, այլ այն 40 միլիոն լեհերից մեկը, ով ապրում է այդ համակագգի մեջ՝ վերաբերվելով նրան որպես ընդհանրապես մարդ արարածի»,- նշեց Վ.Մարչեւսկին: Վոյչեխ Մարչեւսկին 1968-2001թթ.-ին նկարահանել է 12 ֆիլմ: «Փախուստ «Ազատություն» կինոթատրոնից» ֆիլմը նկարահանել է 1990թ.-ին: Այն արժանացել է մի շարք միջազգային մրցանակների։ Աղբյուր`http://nt.am/newsday.php?p=0&c=0&t=0&r=0&year=2011&month=07&day=14&shownews=1048363&LangID=4#1048363
1 2 3 4 5 Կատեգորիա: Կինո \| Դիտումներ: 666 \| Ավելացրեց: admin \| Ռեյտինգ: 0.0/0