Հայաստանում առաջին անգամ տեղի ունեցավ ֆրանսիահայ ջութակահար Դավիթ Հարությունյանի եւ դիրիժոր Վահան Մարտիրոսյանի համատեղ համերգը: Մտահղացումը առաջացել էր դեռ վաղուց. նրանք համատեղ համերգ ունեցել են Ֆրանսիայում, բայց այլ ծրագրով: Այսօր Կամերային երաժշտության տանը ներկայացվեցին Բախի եւ Շոստակովիչի ստեղծագործություններից:
Ջութակահար Դավիթ Հարությունյանը համագործակցել է նաեւ այլ անվանի դիրիժորների հետ: Հայաստանում նրա վերջին մենահամերգը եղել էր դեռ 1994թ.-ին: Ֆրանսիահայ ջութակահարը «Արմենպրես»-ի հետ զրույցում ասաց, որ նա շատ մեծ հաճույքով է նվագում հայ հանդիսատեսի համար: «Ես կարոտում եմ հայերին, նրանք շատ ջերմ են, զգայուն ու նուրբ»,-նշեց ջութակահարը:
Ներկայումս ծրագրվում են հաջորդ տարվա համերգային ծրագրերը, որի ընթացքում Կամերային նվագախումբը գլխավոր ղեկավար Վահան Մարտիրոսյանի գլխավորությամբ նմանատիպ հետաքրքիր եւ նոր համագործակցություններ են նախատեսում:
Նշենք, որ համերգը կայացավ ՀՀ Մշակույթի նախարարության աջակցությամբ:
