Գլխավոր » » Քննարկվել է հայ-լիբանանյան միջազգային երաժշտական փառատոնի կազմակերպման հարցը

03:43 Քննարկվել է հայ-լիբանանյան միջազգային երաժշտական փառատոնի կազմակերպման հարցը
Լիբանանում Հայաստանի դեսպան Աշոտ Քոչարյանը հանդիպել է այդ երկրի զբոսաշրջության նախարար Ֆադի Աբուդի հետ: Ինչպես տեղեկացնում են ՀՀ ԱԳՆ լրատվական ծառայությունի` զրուցակիցներն ընդգծել են, որ Հայաստանի և Լիբանանի նախագահների վերջին երկու տարիների փոխայցելությունները նոր լիցք են հաղորդել երկկողմ հարաբերությունների զարգացմանն ու ընդլայնմանը: Նշվել է, որ անհրաժեշտ է օգտագործել բոլոր հնարավորությունները երկկողմ փոխշահավետ համագործակցությունը՝ մասնավորապես զբոսաշրջության ոլորտում խրախուսելու ուղղությամբ: Քննարկվել է նաև Լիբանանի հայաբնակ Այնճար բնակավայրում հայ-լիբանանյան միջազգային երաժշտական փառատոն անցկացնելու հնարավորության հարցը: Ուրվագծվել է կողմերի անմիջական մասնակցության և աշխատանքների համակարգման մեխանիզմը: Նախարար Ֆադի Աբուդն իր պատրաստակամությունն է հայտնել աջակցելու փառատոնի անցկացման հետ առնչվող հարցերում: Բարձր գնահատելով երկկողմ քաղաքական և մշակութային հարաբերությունները, կողմերը համոզմունք են հայտնել, որ փառատոնը կնպաստի հայ-լիբանանյան բարեկամության ամրպանդմանն ու խորացմանը: Աղբյուր` http://www.panorama.am/am/culture/2013/02/12/lebanon/
1 2 3 4 5 Կատեգորիա: Միջոցառումներ \| Դիտումներ: 790 \| Ավելացրեց: admin \| Տեգեր: Լիբանան, Ֆադի Աբուդ, Աշոտ Քոչարյան \| Ռեյտինգ: 0.0/0