Գլխավոր » 2011 » Հուլիս » 2 »
Թեմատիկ նկարներով` թմրամոլության մասին
19:42
Թեմատիկ նկարներով` թմրամոլության մասին |
 Այսօր Հայաստանի երիտասարդական հիմնադրամը հանձնել է Թմրանյութերի չարաշահման և ապօրինի շրջանառության դեմ պայքարի միջազգային օրվա առթիվ անցկացված «Նկարում ենք կյանք» խորագրով ծրագրի հաղթողների մրցանակները։
Շառլ Ազնավուրի անվան հրապարակում անցկացված միջոցառման ընթացքում Երևանի գեղարվեստի պետական ակադեմիայի և Երևանի Փ. Թերլեմեզյանի անվան պետական քոլեջի ուսանողները նկարների միջոցով ներկայացրել էին կյանքն իրենց պատկերացումներով։
Թեմատիկ նկարներով երիտասարդները հանրության ուշադրությունն են սևեռել այսօրվա ամենաարդիական խնդիրներից մեկի՝ թմրամոլության վրա, երևույթ, որը շարունակում է կործանել մարդկային կյանքեր, ծնել հանցագործություն և սպառնալ կայուն զարգացմանը։
«Նկարում ենք կյանք» ծրագրի շրջանակներում առաջին մրցանակի է արժանացել Անի Եսայանը (70000 դրամ), երկրորդ մրցանակի՝ Անի Մարիկյանը (50000 դրամ) և երրորդ մրցանակը ստացել է Գեղամ Պողոսյանը (30000 դրամ)։
Ուսանողների նկարները Հայաստանի երիտասարդական հիմնադրամը կնվիրի տարբեր բուժհաստատությունների։ Այս մասին հայտնում են հիմնադրամի հասարակայնության հետ կապերի ծառայությունից:
Աղբյուր`http://hetq.am/arm/news/2590/
|
|
Կատեգորիա: Կերպարվեստ |
Դիտումներ: 656 |
Ավելացրեց: admin
| Ռեյտինգ: 0.0/0 |
| Ընդամենը մեկնաբանություններ: 0 | |
|
|
|
|
Նյութեր ավելացնելու համար հարկավոր է գրանցվել: [ Գրանցվել | Մուտք ]
|
