Գլխավոր » 2011 » Օգոստոս » 25 »
Ձերբակալվել են Թբիլիսիի Սուրբ Էջմիածին եկեղեցում խուլիգանություն կատարած երկու երիտասարդները (տեսանյութ)
02:55
Ձերբակալվել են Թբիլիսիի Սուրբ Էջմիածին եկեղեցում խուլիգանություն կատարած երկու երիտասարդները (տեսանյութ)
Վրաստանի ոստիկանությունը, Թբիլիսիի հայկական Սուրբ Էջմիածին եկեղոցում խուլիգանություն անելու մեղադրանքով բերման է ենթարկել երկու վրացի երիտասարդի: Ինչպես այս մասին հաղորդում է apsny.ge գործակալությունը, օգոստոսի 19-ին Սուրբ Էջմիածնի հոգևոր հովվից հաղորդում է ստացվել ոստիկանություն այն մասին, որ երկու երիտասարդներ հարբած վիճակում ներխուժել են Սուրբ Էջմիածին ու անհարգալի վերաբերմունք դրսևորելով եկեղեցու ու աշխատակիցների նկատմամբ: Նրանցից մեկը աչքի է ընկել ագրեսիվությամբ:
Ձերբակալվածների գործով արդեն սկսվել է հետաքննություն, իսկ եկեղեցու անդամները, ովքեր ներկա են եղել այդ պատահարին, ցուցմունք են տվել ոստիկանության Թբիլիսիի կենտրանական բաժանմունքում: Եպիսկոպոս Վազգեն Միրզախանյանը լրատվականին հայտնել է, որ սպասում է համապատասխան արձագանքի և արդյուքների, չնայած, որ չի ցանկանում դատված տեսնել երիտասարդներին:
«Եթե ազնիվ լինեմ, ապա ես չեմ ցանկանում, որ երկու երիտասարդներին դատեն այդ պատճառով, սակայն նրանք պետք է արժանանան այնպիսի պատժի, որը դաս կլինի հետագայում թե իրենց, թե մյուսների համար»,- ասել է Վ. Միրզախանյանը: