Գլխավոր » » Աշխատանքային հանդիպում Վանի կուսակալին հետ

12:43 Աշխատանքային հանդիպում Վանի կուսակալին հետ
Պատրիարքական Ընդհանուր Փոխանորդ Բարձր. Տ. Արամ Արք. Աթէշեան Աղթամար Կղզիի Ս. Խաչ Եկեղեցւոյ ուխտագնացութեան եւ այս առթիւ մատուցանելի Ս. Պատարագի մասին խորհրդակցական եւ աշխատանքային հանդիպումի մը համար 8 Օգոստոս 2011, Երկուշաբթի առաւօտ Վան մեկնեցաւ։ Սոյն այցելութեան ընթացքին Նորին Սրբազնութեան կ՚ընկերանար Պատկ. Կրօնական Ժողովոյ Ատենապետ Գերպ. Տ. Թաթուլ Ծ. Վրդ. Անուշեան։ Ժամը 10.30-ին Նորին Սրբազնութիւնն ու Հայր Սուրբը Կուսակալութեան պաշտօնարանին մէջ ընդունուեցան Կուսակալ Միւնիր Գարալօղլուի կողմէ։ Սիրալիր ընդունելութեան ընթացքին, նախ թղթակիցներ լուսաբանութիւն խնդրեցին սոյն այցելութեան մասին։ Հակիրճ ծանօթութիւններ տուաւ Կուսակալը եւ ըսաւ, թէ հանդիպումը կը կայանար 11 Սեպտեմբեր 2011, Կիրակի՝ Խաչվերացի տօնին կատարելի ուխտագնացութեան նախապատրաստական աշխատանքներուն շուրջ։ Ապա նկատի առնուեցան կազմակերպչական մանրամասնութիւններ։ Հանդիպման աւարտին Սրբազան Հայրն ու Հայր Սուրբը ուղղուեցան դէպի Աղթամար Կղզի։ Անոնք, միջօրէին հասան Կղզի եւ տեղւոյն վրայ կատարեցին քննարկումներ եւ ապա հանդիպում մը ունեցան Կէվաշի Գաւառապետ Եուսուֆ Կիւնիի հետ։ Ընդհանուր Փոխանորդ Սրբազան Հայրն ու Հայր Սուրբը նոյն երեկոյեան վերադարձան քաղաքս։ Պատրիարքութիւն Հայոց Կ.Պոլսոյ ԼՐԱԲԵՐ Պարբերական Տեղեկատու Աղբյուր`http://akunq.net/am/?p=11451
1 2 3 4 5 Կատեգորիա: Եկեղեցի \| Դիտումներ: 790 \| Ավելացրեց: admin \| Ռեյտինգ: 0.0/0