Գլխավոր » » Երևանի Ռուսական արվեստի թանգարանում կայանալու է բարեգործական համերգ

18:41 Երևանի Ռուսական արվեստի թանգարանում կայանալու է բարեգործական համերգ
Օգոստոսի 10-ին Երևանի Ռուսական արվեստի թանգարանում կայանալու է բարեգործական համերգ, որից ստացված ողջ հասույթը կտրամադրվի թիվ 13 երաժշտական գիշերօթիկ դպրոցին: Համերգի ժամանակ հանդիսավոր կերպով կնվիրաբերվեն Loree ֆիրմային երկու հոբոյները, որոնք նվիրել է հայտնի երաժիշտ Ֆիլիպ Նոդելը: Բացի գործիքներից, կհանձնվի նաև երգչուհի Աննա Սամուիլի նվիրաբերած գումարը: Համերգին մասնակցելու են Ռուսաստանից տավիղահար Վալենտինա Բորիսովան, ջութակահարուհի Սոնա Ազարյանը, դաշնակահարուհի Աննա Գրիշինան, Հայաստանի պետական ֆիլհարմոնիկ նվագախմբի ֆլեյտահար Տիգրան Գևորգյանը, կլարնետահար Վյաչեսլավ Մանուչարյանը, ջութակահարուհի Ջեմմա Աբրահամյանը, ալտահարուհի Յանա Դարյանը և թավջութակահար Վահան Գրիգորյանը: Բարեգործական համերգին հնչելու են Ս. Պրոկոֆևի, Մ. Ռավելի, Վ. Վայների և Վ. Շարաֆյանի ստեղծագործությունները: Միջոցառման ողջ ընթացքում կկատարվի հանգանակություն: Աղբյուր`http://www.panarmenian.net/arm/news/75318/
1 2 3 4 5 Կատեգորիա: Սպասեք շուտով... \| Դիտումներ: 970 \| Ավելացրեց: admin \| Տեգեր: Երևանի Ռուսական արվեստի թանգարան \| Ռեյտինգ: 0.0/0