Գլխավոր » » Գտնվել է քրդերենով երգող ականավոր հայ երգչուհու ձայնապնակը

18:49 Գտնվել է քրդերենով երգող ականավոր հայ երգչուհու ձայնապնակը
Հայտնաբերվել է հանրաճանաչ երգչուհի Մարիամ Խանի կատարմամբ քրդական մաքամի ձայնագրությամբ հազվադեպ ձայնապնակ' Թախթ անսամբլի, երաժիշտ Կանունի ջութակի եւ վինի (ջնար) նավագակցությամբ: Ինչպես հաղորդում է «Արմենպրես»-ը' վկայակոչելով քրդական «Պուկ-Մեդիա» լրատվական կայքը, Մարիամ Խանն էթնիկ հայուհի է: Նա 1915 թ-ին թուրքերի կողմից իրագործված Հայոց ցեղասպանության ժամանակ փրկվել է քուրդ ընտանիքի կողմից, մեծացել է իրաքյան Քրդստանում եւ դարձել իր ժամանակաշրջանի ականավոր քուրդ կատարողներից մեկը: Մարիամ Խանն առաջին քուրդ երգչուհին է, որի կատարումը ձայնագրվել եւ պահպանվել է: Նա մահացել է աղքատության մեջ Բաղդադում' 1949 թ-ին' թողնելով անգին երաժշտական ժառանգություն: Գտնված ձայնապնակը նրա' որպես մեծագույն քուրդ երգչուհիներից մեկի ականավոր տաղանդի վկայությունն է: 2011 թ-ի աշնան վերջին իրաքյան Քրդստանի մայրաքաղաք Էրբիլում ABF շվեդական տանը քրդական երաժշտության երեկոյի ժամանակ տեղի կունենա Մարիամ Խանի ձայնապնակի ունկնդրումը, որը կազմակերպում է Քրդական գրադարանների եւ թանգարանների հիմնադրամը: Աղբյուր`http://armenpress.am/arm/news/660507/
1 2 3 4 5 Կատեգորիա: Ծլնգոցից մինչև զրնգոց \| Դիտումներ: 689 \| Ավելացրեց: admin \| Տեգեր: Մարիամ Խան \| Ռեյտինգ: 0.0/0