 Սիրելի´ սփյուռքահայ պատանի երաժիշտներ,
Շուրջ երկու տարի է, որ ՀՀ սփյուռքի նախարարության հովանու ներքո գործում է Համահայկական պատանեկան սիմֆոնիկ նվագախումբը` գեղարվեստական ղեկավար և գլխավոր դիրիժոր Էդուարդ Եսայանցի գլխավորությամբ:
Նվագախմբի կազմում ընդգրկված են Հայաստանի տարբեր շրջանների և Արցախի պատանի երաժիշտներ: Ելույթներով հանդես են եկել նաև կատարողներ Փարիզից, Թեհրանից, Կիպրոսից, Տարտուից, Ստրասբուրգից, Մոսկվայից, Լենինգրադից, Մինսկից և այլ վայրերից :
Նվագախմբի կատարմամբ հնչել են Հայդնի, Մոցարտի, Բեթհովենի, Վերդիի, Շտրաուսի, Պիացոլայի, Կոմիտասի, Կանաչյանի և այլոց ստեղծագործությունները:
Ամռանը նվագախմբին կմիանան նաև 12-18 տարեկան սփյուռքահայ կատարողներ:
Սիրելի´ հայրենակիցներ, դուք ևս կարող եք ընդգրկվել նվագախմբի կազմում:
Ցանկության դեպքում կարող եք զանգահարել (091) 534635 հեռախոսահամարով կամ նամակ ուղարկել symfonia45@rambler.ru էլեկտրոնային հասցեով` նշելով Ձեր անունը, ազգանունը, տարիքը, բնակության երկիրը, ուսումնական հաստատությունը, ինչ գործիք եք նվագում և ինչ ստեղծագործություններ: Ցանկալի է, որ էլեկտրոնային փոստով ուղարկեք նաև Ձեր ձայնագրություններից:
Նվագախմբի կազմում ընդգրկվելու դեպքում ձեզ կուղարկենք ծրագրում ընդգրկված ստեղծագործությունների նոտաները, որպեսզի դուք կարողանաք պատրաստվել Հայաստանում կազմակերպվող համերգին:
Ծրագիրը նպատակ ունի միավորել Հայաստանի և Սփյուռքի երաժշտության ասպարեզի ստեղծագործողներին, ներկայանալու աշխարհին որպես համահայկական բարձր կարգի սիմֆոնիկ նվագախումբ:
Վստահ ենք, որ Սփյուռքի մեր կատարողներն իրենց ներդրումը կունենան այս հայրենանվեր գործում:
Գալով Հայաստան` դուք հնարավորություն կունենաք շփվելու ձեր հասակակիցների հետ, լավագույն մասնագետներից վարպետության դասեր առնելու, ձեռք բերելու նվագախմբում նվագելու փորձ, մասնակցելու պետական մշակութային ծրագրի իրականացմանը:
Նշենք նաև, որ Համահայկական պատանեկան սիմֆոնիկ նվագախմբի հետ սիրով համագործակցում է Հայաստանի պետական սիմֆոնիկ նվագախումբը (գեղարվեստական ղեկավար` Էդուարդ Թոփչյան):
Սիրով սպասում ենք ձեր նամակներին:
Աղբյուր`http://hayernaysor.am/1314103538
|
