Գլխավոր » » Հայաստանի նախագահն ընդունել է ոսկերիչների պատվիրակությանը

15:52 Հայաստանի նախագահն ընդունել է ոսկերիչների պատվիրակությանը
Հայաստանի նախագահ Սերժ Սարգսյանն այսօր` օգոստոսի 16-ին ընդունել է Հայ ոսկերիչների ասոցիացիայի (ՀՈԱ) նախագահ Գագիկ Գեւորգյանի գլխավորած պատվիրակությանը: Նախագահի մամուլի գրասենյակից NEWS.am-ին հայտնում են, որ հանրապետության ղեկավարը շնորհավորել է Գագիկ Գեւորգյանին՝ ՀՈԱ նախագահ ընտրվելու կապակցությամբ եւ հույս հայտնել, որ աշխարհի տարբեր երկրներում ապրող հայ ոսկերիչներին միավորող ասոցիացիան իր բազմաթիվ ծրագրերով կնպաստի հայկական ոսկերչական արվեստի հետագա զարգացմանը: Գագիկ Գեւորգյանը Հանրապետության ղեկավարին ներկայացրել է ասոցիացիայի կողմից առաջիկայում իրականացվելիք ծրագրերն ու անելիքները: Հատկապես կարեւորվել է Հայաստանի Հանրապետության անկախության 20-ամյակի առիթով սեպտեմբերի 21-ին Երեւանում անցկացվող Հայ ոսկերիչների ասոցիացիայի առաջին ցուցահանդեսը, որին կմասնակցեն բազմաթիվ հայտնի ընկերություններ: Զրուցակիցներն անդրադարձել են աշխարհի հայ ոսկերիչների միջեւ կապերի ընդլայնման, ինչպես նաեւ Հայաստանում ոսկերչության զարգացման հեռանկարներին: Աղբյուր`http://news.am/arm/news/71144.html
1 2 3 4 5 Կատեգորիա: Իրադարձություններ \| Դիտումներ: 863 \| Ավելացրեց: admin \| Տեգեր: Սերժ Սարգսյան, Գագիկ Գեւորգյան \| Ռեյտինգ: 0.0/0