Գլխավոր » » Հայաստանում արվեստը կառավարելու կուլտուրան դեռ զարգացած չէ. Մերի Պատվականյան

20:16 Հայաստանում արվեստը կառավարելու կուլտուրան դեռ զարգացած չէ. Մերի Պատվականյան
Հայաստանում Եվրամիության TEMPUS ծրագիրը գործում է արդեն մոտ 10 տարի: 2010 թվականի հունվարին մրցույթը շահել և ծրագրին մասնակցելու հնարավորություն են ստացել Երևանի ճարտարապետության և շինարարության պետական համալսարանը և Երևանի գեղարվեստի պետական ակադեմիան: Ծրագիրը, որ շարունակվելու է մինչև 2013 թվականը, նպատակ ունի այս երկու բուհերում ներմուծել արտմենեջմենթ առարկան: «Առաջին լրատվականի» հետ զրույցում Երևանի գեղարվեստի պետական ակադեմիայի միջազգային կապերի վարիչ Մերի Պատվականյանը նշեց. «Արվեստի շուկան պահանջում է ստեղծել արվեստը կառավարողների խումբ, և քանի որ Հայաստանում արվեստը կառավարելու, միջազգայնացնելու կուլտուրան դեռ զարգացած չէ, ծրագրի շրջանակներում մեր առաջնային նպատակն է ստեղծել խորհրդատվական մարմին»: Նշենք, որ այսօր Երևանի ճարտարապետության և շինարարության պետական համալսարանում ծրագիրը շահած երկու ուսումնական հաստատությունների ներկայացուցիչների մասնակցությամբ կազմակերպվել էր հանդիպում, որի ավարտին պետք է ձևավորվեր նշված խորհրդատվական մարմինը և իրականացվեին համապատասխան քննարկումներ, ներկայացվեին առաջարկներ հետագա գործունեության վերաբերյալ: Աղբյուր`http://1in.am/arm/armenia_arts_24513.html
1 2 3 4 5 Կատեգորիա: Իրադարձություններ \| Դիտումներ: 784 \| Ավելացրեց: admin \| Ռեյտինգ: 0.0/0