Գլխավոր » » Հայկական մշակույթի օրեր կանցկացվեն Չինաստանում և Ուկրաինայում

21:19 Հայկական մշակույթի օրեր կանցկացվեն Չինաստանում և Ուկրաինայում
Հունիսի 22-29-ը Չինաստանում և հունիսի 30-ից հուլիսի 5-ն Ուկրաինայում հայկական մշակույթի օրեր կանցկացվեն, հաղորդում է ՀՀ մշակույթի նախարարության մամուլի ծառայությունը։ Հաղորդագրության համաձայն, հայաստանյան մշակութային պատվիրակությունը կգլխավորի ՀՀ մշակույթի նախարար Հասմիկ Պողոսյանը: Օրերի շրջանակներում, բացի համերգային և ցուցահանդեսային ծրագրերից կողմերը կստորագրեն երկու երկրների մշակույթի նախարարությունների միջև մշակույթի բնագավառում 2012-2014 թթ. համագործակցության մասին ծրագիր: ՀՀ նախագահ Սերժ Սարգսյանի՝ Ուկրաինա կատարելիք պաշտոնական այցին զուգընթաց Ուկրաինայում կանցկացվեն հայկական մշակույթի օրեր: Միջոցառումների շրջանակներում տեղի կունենա գալա համերգ, կբացվի «Հայկական հետքը Ուկրաինայում» լուսանկարչական ցուցահանդեսը, կիրականացվի հայկական ֆիլմերի հետահայաց ցուցադրություն: Տեղի կունենա գրողների հանդիպում, կանցկացվեն շնորհանդեսներ, ժամանակակից արվեստի ցուցադրություններ: Աղբյուր`http://ar.newsarmenia.ru/culture/20110621/42477541.html
1 2 3 4 5 Կատեգորիա: Միջոցառումներ \| Դիտումներ: 752 \| Ավելացրեց: admin \| Ռեյտինգ: 0.0/0