Գլխավոր » 2011»Օգոստոս»12 »
Ինչպես են աղանդները մարդկանց հասցնում մտախավարման. բացառիկ կադրեր (տեսանյութ)
13:27
Ինչպես են աղանդները մարդկանց հասցնում մտախավարման. բացառիկ կադրեր (տեսանյութ)
«Չենք լռելու» երիտասարդական նախաձեռնությունը տարածել է բացառիկ կադրեր «Կյանքի խոսք» աղանդավորական կազմակերպության Գյումրիում ամեն շաբաթ անցկացվող հավաքներից մեկից: «Տեսանյութում պատկերված է, թե ինչպես է «հոգևոր հովիվ» կոչվող ոմն մեկը մտախավարման հասցնում դահլիճում նստածներին` ձեռքով դիպչելով մարդկանց ճակատին և, անհասկանալի ձևով գցելով հոգեխանգարմունքի մեջ, նրանց անգիտակից վիճակում հատակին փռում: «Չենք լռելու»-ի համոզմամբ, տեսանյութը պետք է դառնա նաև իրավապահ մարմինների ուսումնասիրման առարկան: Ներկայացվող կադրերն ապշեցնում են նորմալ մարդկանց գիտակցությունը բթացնելու, նրանց իրականությունից կտրելու` աղանդավորների կարողության առումով»,- ասվում է նախաձեռնության հաղորդագրությունում:
Նախաձեռնությունը խնդրում է բոլորին` աղանդների ծավալած վտանգավոր գործունեության վերաբերյալ ցանկացած տեղեկատվություն հայտնել chenqlrelu@gmail.com էլեկտրոնային հասցեով:
«Օտարածին կրոնական աղանդների մերկացումը պետք է դառնա յուրաքանչյուր գիտակից հայի պարտքը: Մեր բազմաթիվ հայրենակիցներ մոլորության մեջ են ընկել»,- ասվում է հաղորդագրությունում:
Ավելի ուշ պարզվեց, որ «հոգևոր հովիվը» ոչ թե «Կյանքի խոսք» աղանդավորական կազմակերպությունից էր, այլ՝ ավետարանչականներից։
