Գլխավոր » 2011»Օգոստոս»4 »
Փակվել է 107.0 հաճախությամբ հեռարձակվող Radio Jazz նախագիծը
13:18
Փակվել է 107.0 հաճախությամբ հեռարձակվող Radio Jazz նախագիծը
Ֆինանսական խնդիրների պատճառով փակվել է «Շարմ» հոլդինգին պատկանող 107.0 հաճախությամբ հեռարձակվող Radio Jazz նախագիծը:
Այդ մասին Մեդիամաքս-ի հետ հարցազրույցում ասել է «Շարմ» հոլդինգի հասարակայնության հետ կապերի պատասխանատու Աննա Ավանեսյանը՝ նշելով, որ բացառապես ջազային երաժշտություն հեռարձակող ռադիոկայանը բավական ծախսատար էր:
Ռադիոկայանը գործել է 2005 թ-ից 103.8 հաճախությամբ, իսկ ընթացիկ տարվա սկզբից տեղափոխվել էր 107.0 հաճախականություն, որը վարձակալվել էր «Շարմի» կողմից:
Անդրադառնալով օրերս Facebook սոցիալական ցանցում շրջանառվող այն հարցին, թե օգտվողներն ինչպիսին կցանկանային տեսնել Radio Jazz-ը և կողմ են, թե դեմ ռադիոկայանի փակվելուն՝ Աննա Ավանեսյանն ասել է, որ հարցը կազմվել էր ռադիոկայանի աշխատակիցներից մեկի անհատական նախաձեռնությամբ, իսկ «Շարմ» հոլդինգը դեռ չի որոշել՝ հետագայում ինչպիսի ձևաչափ կունենա Radio Jazz-ը:
