Գլխավոր » » Սփյուռքահայ թատերագրի ստեղծագործությունը` Գյումրու թատրոնում

13:43 Սփյուռքահայ թատերագրի ստեղծագործությունը` Գյումրու թատրոնում
Գյումրու Վարդան Աճեմյանի անվան պետական դրամատիկական թատրոնն իր նոր` 146-րդ թատերաշրջանը կբացի Նյու-Յորքում բնակվող անվանի թատերագիր, բեմադրիչ ու թատերական կառավարիչ Հրանդ Մարգարյանի «Երկինքեն երեք աթոռ ինկավ» կատակերգության բեմադրությամբ: Այս ստեղծագործությունը մեծ ճանաչում ունի Հայաստանում. այն բեմադրվել է Երևանի «Մետրո» թատրոնում և Թատրոնի և կինոյի պետական ինստիտուտում: Բոլոր բեմադրությունների հեղինակն էլ ՀՀ արվեստի վաստակավոր գործիչ, պրոֆեսոր Նիկոլայ Ծատուրյանն է: Գյումրիում ևս բեմադրությունը կիրականացնի Նիկոլայ Ծատուրյանը` ձգտելով ստեղծել նոր մեկնաբանություն: «Ինձ համար թանկ է Հրանդ Մարգարյանի թատերգությունը, այն սրտամոտ ու հարազատ է ինձ, որովհետև պարունակում է վառ թատերայնություն, կերպարների արտակարգ մատուցումներ, շեշտված գրոտեսկանյություն: Գյումրու թատրոնն ունի հրաշալի դերասանակազմ, և ես վստահ եմ, որ կծնվի այն ներկայացումը, որի մասին ես երազում եմ»,- ասաց Նիկոլայ Ծատուրյանը: Աղբյուր`http://hayernaysor.am/1313049713
1 2 3 4 5 Կատեգորիա: Թատրոն \| Դիտումներ: 888 \| Ավելացրեց: admin \| Տեգեր: թատրոն, Գյումրի, Վարդան Աճեմյան, Հրանդ Մարգարյան \| Ռեյտինգ: 0.0/0