Գլխավոր » » Թուրքիայի միակ հայկական գյուղում նշվել է Սուրբ Աստվածամոր վերափոխման տոնը

17:29 Թուրքիայի միակ հայկական գյուղում նշվել է Սուրբ Աստվածամոր վերափոխման տոնը
Թուրքիայում Հայոց ցեղասպանությունից հետո մնացած միակ հայկական Վագըֆ գյուղում օգոստոսի 14-ին նշվել է Սուրբ Աստվածամոր վերափոխման տոնը եւ կատարվել խաղողօրհնեքի արարողություն։ Վագըֆի Սուրբ Աստվածածին եկեղեցում պատարագն իրականացրել է Հաթայ նահանգում նշանակված նոր քահանա Ավետիս Թաբաշյանը։ Պոլսո Հայոց փոխպատրիարք արք. Արամ Աթեշյանը եւս մասնակցել է պատարագին եւ ողջույնի խոսքով հանդես եկել՝ չմոռանալով շնորհավորել մահմեդականներին՝ Ռամադանի տոնի կապակցությամբ։ Հայկական եկեղեցու բակում կատարված խաղողօրհնեքից հետո Ֆրանսիայից, Գերմանիայից, Թուրքիայի այլ շրջաններից եւ Մերձավոր Արեւելքից եկած հյուրերին հարիսա են հյուրասիրել։ Վագըֆի գյուղապետ Պերճ Քարթունը նշել է, թե երջանիկ է, որ Թուրքիայի միակ հայկական գյուղում այդքան հյուրեր է ընդունել։ Աղբյուր`http://news.am/arm/news/70974.html
1 2 3 4 5 Կատեգորիա: Եկեղեցի \| Դիտումներ: 614 \| Ավելացրեց: admin \| Տեգեր: Թուրքիա, Վագըֆ \| Ռեյտինգ: 0.0/0