Գլխավոր » » Վենետիկում տեղի է ունեցել աշխարհահռչակ դաշնակահարուհի Սվետլանա Նավասարդյանի մենահամերգը

13:15 Վենետիկում տեղի է ունեցել աշխարհահռչակ դաշնակահարուհի Սվետլանա Նավասարդյանի մենահամերգը
Երկարատեւ ընդմիջումից հետո Ջրահարսերի քաղաքը վերստին հյուրընկալել է աշխարհահռչակ հայ դաշնակահարուհի Սվետլանա Նավասարդյանին: «Պո-Արաքս» մշակութային միության աջակցությամբ, Վենետիկի Մուրադ -Ռաֆայելյան վարժարանի «Դիեփոլյան» դահլիճում իտալացի երաժշտասեր հանրությունը բացառիկ հնարավորություն է ունեցել մասնակցելու հայկական երաժշտական տոնին: Վենետիկյան երաժշտական երեկոն դաշնակահարուհին բացել է Բախի ստեղծագործությամբ: Հնչել են Մոցարտի, Շոպենի, Կոմիտասի, Արամ Խաչատրյանի ստեղծագործությունները: Մենահամերգը տեղի է ունեցել Կաֆոսկարի համալսարանի հայոց լեզվի եւ մշակույթի ամառային խտացյալ դասընթացի առիթով, որն արդեն քսանվեց տարի համախմբում է աշխարհի տարբեր անկյունների' հայագիտությամբ ու հայ մշակույթով, պատմությամբ հետաքրքրվող երիտասարդներին: Աղբյուր`http://armenpress.am/arm/news/661135/
1 2 3 4 5 Կատեգորիա: Ծլնգոցից մինչև զրնգոց \| Դիտումներ: 578 \| Ավելացրեց: admin \| Տեգեր: Սվետլանա Նավասարդյան, Իտալիա, Վենետիկ \| Ռեյտինգ: 0.0/0