Գլխավոր » » Վերաբացվել է Թատերական ինստիտուտի ուսումնական թատրոնը

15:46 Վերաբացվել է Թատերական ինստիտուտի ուսումնական թատրոնը
Հունիսի 26-ին Երևանի թատրոնի և կինոյի պետական ինստիտուտում «Չինարես... Կեռանալ մի» խորագրով գրական-պարային ներկայացմամբ վերաբացվեց բուհի ուսումնական թատրոնը։ Ներկայացումը բեմադրվել է Հայաստանի երիտասարդական հիմնադրամի աջակցությամբ, ուսանողների ուժերով և նվիրված է Հայոց ցեղասպանության զոհերի հիշատակին։ «Չինարես... Կեռանալ մի» գրական-պարային ներկայացմամբ կինոյի և թատրոնի պետական ինստիտուտի սաներն արդեն իսկ հանդես են եկել հանրապետության մարզերում, Արցախում, առաջիկայում բուհի ուսանողները հյուրախաղերով հանդես կգան նախկին ԽՍՀՄ հանրապետությունների հայկական համայնքներում։ Ինչպես նշեց կինոյի և թատրոնի պետական ինստիտուտի ռեկտորի օգնական Էմին Թորոսյանը, ուսանողական թատրոնի նպատակն ուսանողներին բեմադրելու, դերերով հանդես գալու հնարավորություն տալն է։ Թատրոնի ստեղծագործական խմբում ներգրավված են երիտասարդ արվեստագետներ, որոնք իրենց ձեռք բերած գիտելիքները դրսևորելու և հանդիսատեսի առջև արժանավայել հանդես գալու կարիք ունեն: Այս նախագիծն օգնում է սկսնակ դերասաններին ավելի շատ բեմ դուրս գալ։ Բացի այդ, թատրոնն ուսանողներին հնարավորություն է տալիս որոշակի գումար վաստակել, ինչը կօգնի նաև նրանց վճարել ուսման վարձը։ Աղբյուր`http://www.slaq.am/arm/news/36450/%D5%8E%D5%A5%D6%80%D5%A1%D5%A2%D5%A1%D6%81%D5%BE%D5%A5%D5%AC_%D5%A7_%D4%B9%D5%A1%D5%BF%D5%A5%D6%80%D5%A1%D5%AF%D5%A1%D5%B6_%D5%AB%D5%B6%D5%BD%D5%BF%D5%AB%D5%BF%D5%B8%D6%82%D5%BF%D5%AB_%D5%B8%D6%82%D5%BD%D5%B8%D6%82%D5%B4%D5%B6%D5%A1%D5%AF%D5%A1%D5%B6_%D5%A9%D5%A1%D5%BF%D6%80%D5%B8%D5%B6%D5%A8.html
1 2 3 4 5 Կատեգորիա: Թատրոն \| Դիտումներ: 750 \| Ավելացրեց: admin \| Ռեյտինգ: 0.0/0