Գլխավոր » 2011»Օգոստոս»3 »
«Վրացիները պահանջում են եկեղեցիներ, որոնք վրացական չեն»
14:35
«Վրացիները պահանջում են եկեղեցիներ, որոնք վրացական չեն»
Այսօր լրագրողների հետ հանդիպման ժամանակ ՀՀ գիտությունների ազգային ակադեմիայի գրականության ինստիտուտի փոխտնօրեն Վարդան Դևրիկյանը խոսեց հայկական եկեղեցիների նկատմամբ Վրաստանի ունեցած հավակնություններից և նշեց, որ վրացիները Հայաստանից պահանջում են եկեղեցիներ, որոնք վրացական չեն:
Ըստ նրա` Ախթալայի և Քոբայրի վանքերը վրացական չեն ոչ միայն որովհետև հայերն են կառուցել, այլև այն պատճառով, որ սկզբնապես Վրաց եկեղեցու թեմ չի եղել, սակայն կարճ ժամանակահատված` 12-13-րդ դարերում, երբ բարձր էր Զաքարյանների քաղաքական կշիռը, և հզոր էր վրաց պետությունը, այդ վանքերը եղել են Վրաց եկեղեցու իշխանության շրջագծում:
«Այսինքն` վրաց եկեղեցու ազդեցությունը այդ վանքերի վրա պայմանավորված է եղել զուտ քաղաքական գործոնով»,- շեշտեց Վարդան Դևրիկյանը:
Վրացական կողմի պահանջը, ըստ նրա, նպատակ ունի արդարացնելու իրենց կեցվածքը հայ եկեղեցու թեմի վերաբերյալ:
«Իսկ եթե իրենք ունեն հետևորդներ և ուզում են թեմ բացել` մեր օրենսդրությունը տալիս է այդ հնարավորությունը, և այստեղ որևէ խնդիր չկա»,- ամփոփեց գրականության ինստիտուտի փոխտնօրենը:
